በኢትዮጵያ መከላከያ ምርምርና ልማት ማዕከል ከመከላከያ ክፍሎች ለተወጣጡ የምርምር ሙያተኞች ሲሰጥ የቆየው ሥልጠና ተጠናቋል።
ማዕከሉ በአጭር ጊዜ የተለያዩ ተግባራትን እያከናወነና ፕሮጀክቶችን በማጠናከር ለተቋሙ ችግር ፈች ሥራ እየሠራ መሆኑን ያሥታወቁት የኢትዮጵያ መከላከያ ምርምርና ልማት ማዕከል ኃላፊ ሜጄር ጄኔራል ቡልቲ ታደሰ ከባለድርሻ አካላት ጋር በቅንጅት እንደሚሰራም ተናግረዋል።
ማዕከሉ የተቋሙን ተልዕኮ ለማሳካት በሚፈለገው ደረጃ ጠንክሮ መሥራት ይገባዋል ብለዋል። ሠልጣኞች ከሥልጠና የተገኘውን ዕዉቀትና ተሞክሮ በሥራ ከማዋል ባለፈ ሌሎችን በማሰልጠንና በማብቃት የበኩላቸውን አስተዋፅኦ ማበርከት እንደሚገባቸው ኃላፊው አሳስበዋል።
ሠልጣኞች በበኩላቸው በምርምር ውጤት ሽግግር፣ ምዝገባ እና በፖሊስ ቀረፃ ፣ ትንተና ፣ ዝግጅትና ትርጉም፣ በምርምር አስተዳደርና የደህንነት ጥቅሞች
እንዲሁም በሌሎች ጉዳዮች የተሰጠው ሥልጠና ባለን አቅም ላይ ተደማሪ ዕውቀትና ልምድ እንድናገኝ አስችሏል ብለዋል።
ለቀጣይ መሰል ሥልጠናዎች ተጠናክረው እንደሚቀጥሉ በመድረኩ የተገለፀ ሲሆን ለሠልጣኞች የዕውቅና ሰርተ-ፊኬት ተበርክቷል።
